Na baie jare se emosionele gesukkel, het ek op  58 jarige ouderdom agter gekom dat die trauma wat ek as kind beleef het, my normale funksionering as n gesonde, geballanseerde en opgeruimde persoon gedurig ingeperk het.   Ek het maar altyd gereken dat ek “dit agter my moet sit” en half skuldig gevoel as ek daaroor praat of dat dit my nog pla.  Ek het gevoel dat ek die gene betrokke inkrimineer  of “oordeel” elke keer as ek daaroor dink of nog praat.  Ek was van mening dat ek  as kind van God, Hom moet vertrou vir volkome herstel in alle opsigte.  Inderdaad het  ons sielsgesondheid ook soms ondersteuning en hulp  nodig, net soos ons liggaam dit nodig het van n mediese dokter.  Ek is oortuig dat God ander juis ook toerus om daardie hulp te kan lewer.   Tydens my besoeke aan Hayley het sy my in staat gestel om op n gemaklike wyse deur al die gebeure te werk.  Ek het dit geensins as ongemaklik, opdringend of indringend ervaar  nie. Sy het EMI op my toegepas en na 3 afsprake het ek n nuwe perspektief op die gebeure van die verlede gehad wat my in staat gestel het om emosioneel gesonder en gemakliker in al my verhoudings op te tree. Ek is net spyt oor een ding….. dat ek dit nie lankal gedoen het nie.